Usurbilgo alkate Xabier Mikel Errekondok hondakinen atez ateko bilketa nola egin erakusten duen eskuliburua eman dio gaur Markel Olano Gipuzkoako ahaldun nagusiari. Egunkariaren itxieraren 6. urteurreneko Andoaingo kontzentrazioan egin dute topo biek, eta Usurbilgo alkateak laster batean udalerrian abiatuko den atez ateko bilketa zertan datzan eta bilketa sistema horrek bilatzen dituen birziklatze helburuak zeintzuk diren azaltzeko bilera eskatu dio ahaldun nagusiari eta, baita ere, usurbildarren osasuna arriskuan jarriko duen errauste plantaren proiektua birplantea dezan.
Hauteskunde kanpaina amaitzerakoan hitzordua finkatzekotan gelditu dira.