Martxoaren 16an Usurbilen hasitako atez ateko bilketa selektiboa %76,08ko emaitza ikusgarriarekin hasi bazen ere, apirileko datuek erakusten dute atez ateko bilketa sistemak %80ko hesia gaindi dezakeela, Usurbilen %81,52ra iritsi baita. Iazko apirilean soilik %23,82an zegoen. Euskal Herrian hondakinen kudeaketan inoiz eman den jauzi kualitatibo handienaren erakusle dira datuok.

Organikoa modu selektiboan biltzearen gakoa

Usurbil da sortzen duen organiko guztia atez ate eta autokonpontajearen bitartez birziklatzen duen Euskal Herriko herri bakarra.

Horri esker, hondakinen ia %37 konpost bihurtuko da, ongarri bihurtuko da, zabortegi batera isuri eta lixibiatuak, metanoa, zikinkeria, kiratsa eta abar sortu beharrean.

Iazko apirileko datuekin alderatuz gero, gainerako hondakin zatien bilketa selektibo maila bikoiztu edota hirkoiztu egiten dira:
-Beira: %7,64tik %14,98ra igoda
-Papera: %9,32tik 15,26ra
-Ontziak %3,90etik %8,31ra

Zabor poltsa poltsatxo bihurtu da
Usurbilen, nahiz herri guztietan zabor poltsa handiak maiz atera behar ziren edukinontzietara hondakin zatiak nahastu eta zabor asko sortzen zelako.

Atez atekoa erakusten ari da hondakin zati nahasketarik gabe etxean sortzen duguna lehengai asko dela eta zabor gutxi . Usurbilen iazko apirilean zabor poltsa %76,18 zen. Aurtengo apirilean bilketaren %18,48 bilakatu da.