Usurbildik pasatu da Korrika eta udalaren izenean Xabier Mikel Errekondo alkatearekin batera Nerea Eraunzetamurgil, Imanol Azpiroz eta Lontxo Zubiria zinegotziek eraman dute lekukoa, beste eskuan pote marroiak ere eraman dituzten bitartean. Lekukoa hartu bezain pronto, atez ateko abestia jarri dute AEKko furgonetako lagunek eta “Kubo ze kubo polita…” doinuarekin egin dute dantza korrika egin duten bitartean. Baina ez dira korrikalari bakarrak izan. Bil zizareak eta agur esan genien hiru edukinontzik ere ziztu bizian korrika egin dute euskararen alde.