Papera astean behin biltzen da: asteazkenetan. Herritarrek paperezko poltsatan edo sokaz lotutako fardeletan ateratzen dute papera zintzilikatzekoetan ipintzeko. Kartoizko kaxatan ere atera daiteke. Bildutako guztia papera errekuperatzen duen Vanpac enpresak Oiartzunen dituen instalakuntzetara eramaten da, bertan sailkatzeko.

Oso kalitate oneko papera
San  Markoseko Mankomunitateko hiri eta herri guztiek, 2009ko lehen hiruhilekoaren hilen batean, papera eta kartoiaren bilketan jaitsierak izan dituzte kontsumoak behera egin duelako krisiaren ondorioz. Dendak ere kartoi gutxiago sortzen ari dira. Hala ere, Usurbilen 2009ko apirilean iazkoaren pare bildu da, 21.000 kg inguru.

Papera errekuperatzen duen Vanpaceko arduradunek jakinarazi dute Usurbilen bildutako paperak izugarrizko kalitatea duela. Kalitate hau biltzaileek egindako lanari esker da, hainbat herritarrek papera plastikozko poltsetan atera arren, hauek plastikoa paperatik bereizten baitute. Kalitate honi esker bildutakoan ez da ia errefeusarik, beraz, ia guztia birziklatzera eramaten da.