Atxegaldeko jaiak hemen dira

Ostirala, 2010(e)ko abuztua(r)en 27-(e)an 06:10etan

Gaur arratsaldean hasiko dira Atxegaldeko jaiak. Festara gehitu nahi duenak, aukera bikaina du asteburu honetan hasita. Dantza eta umorea ez dira faltako bederen.

Gehiago irakurri...

Teatreruak antzerki taldeak saria jaso du

Astelehena, 2010(e)ko abuztua(r)en 16-(e)an 09:25etan

Usurbilgo Teatreruak antzerki taldeak Donostiako 22. Gazteen Antzerki Topaketaren barruan sari hau jaso du: Gazte mailan talde artistikorik onena. Saria "Hau komeria!" lanarekin jaso du. 30etik gora izan omen dira aurkeztutako taldeak eta sariak berriz hiru:

* Antzezlanik onena
* Talde artistikorik onena
* Antzezterik onena

Teatreruak taldea Ander Izeta, Leire Iturrioz eta Jon Etxabek osatzen dute.

Enplegu sustapena 2010: hezitzaile interkultural lanposturako aurrebaldintzak

Osteguna, 2010(e)ko uztaila(r)en 29-(e)an 14:48etan

2010eko irailaren erditik aurrera, INEMek eta Usurbilgo Udalak duten hitzarmenaren baitan, Espainiako enplegurako institutuak hezitzaile interkultural baten kontratazioa diruz-lagunduko du. 9 hilabetetarako kontratua izango da lanaldi erdira, eta Atalluko tailerretan (Hasierako Lanbide Prestakuntza programan) sukaldaritza eta ileapainketa burutzen ari diren ikasleei arreta eskainiko die.

Lan eskaintza honetan parte hartu ahal izateko Inemeko Enplegu Bulegoren batetan izen emanda egon beharko dute, lan eskaintza hau redtrabajan publikatu aurretik.

INEM-Udalaren arteko hitzarmenaren barruan diruz lagundutako kontratazioak www.redtrabaja.es orrialdean publikatu eta orrialde honen bitartez kudeatu beharko dira. Beraz, hautaketa prozesuan parte hartu nahi duen edonork Estatuko Enplegu Publikoko orrialde honetan bere kurrikuluma sartu beharko du. Horretarako erabiltzaile eta pasahitzaren eskaera egin beharko du izen emanda dagoen Enplegu Bulegoan.

Gehiago irakurri...

Santixabel jaien balorazioa eta bideoaren trailerra

Asteartea, 2010(e)ko uztaila(r)en 27-(e)an 05:37etan

Lehengo batean iragarri genuen bezala, Santixabel jaietako balorazioa egiteko bilera ospatu zen orain egun batzuk. Aurtengo jaien alde onak eta txarrak jaso nahi ziren, datozen urteko jaietan azken hauei konponbidea emateko.

Horrela, begi onez baloratu zen festen antolaketan herriko talde ugarik parte hartu izana. Bestetik, antolaketan bertan ilusioz jardun izana asko eskertu zuten, eta horrek ekitaldietan bere isla zuela adierazi zuten. Horren adierazgarri izango liratekeelarik, umeen eguneko ekitaldiak edo Usurbilgo harriarekin egin ziren herri kirolak.

Aipatzeko beste atalen artean, txosnak erdigunera ekarri izanak herri kaskoari eman dion bizia eta eguneko jaia berreskuratu izana azpimarratu ziren.

Uztailaren 14an ospatu zen bileran, jaien laburpen gisara egin zen bideo bat ere ikusi ahal izan zen. Hemen haren trailerra eskaintzen dizugu. Ia gustuko duzun!